လူ့စွမ်းအားအရင်းအမြစ် စီမံခန့်ခွဲမှု (Human Resources Management) သည် ဘဏ္ဍာရေးစီမံခန့်ခွဲမှု သို့မဟုတ် ဈေးကွက်စီမံခန့်ခွဲမှုကဲ့သို့ပင် လုပ်ငန်းတစ်ခု အောင်မြင်စွာ စီမံခန့်ခွဲနိုင်ရေးနှင့် မဟာဗျူဟာမြောက် စီမံချက်များကို အောင်မြင်စွာ အကောင်အထည်ဖော်နိုင်ရေးအတွက် အရေးပါသော အခန်းကဏ္ဍမှ ပါဝင်ပါသည်။ ထိရောက်မှန်ကန်သော လူ့စွမ်းအားအရင်းအမြစ် စီမံခန့်ခွဲမှုစနစ်ကို ဖော်ဆောင်ရန်အတွက် မူဝါဒများ၊ လုပ်ထုံးလုပ်နည်းများနှင့် စည်းမျဉ်းစည်းကမ်းများကို ရေးဆွဲချမှတ်၍ အကောင်အထည်ဖော်ရာတွင် တည်ဆဲအလုပ်သမားဥပဒေများနှင့်အညီ ဆောင်ရွက်ခြင်းသည် အခြေခံအကျဆုံး လိုအပ်ချက်တစ်ရပ် ဖြစ်ပါသည်။ ထို့ကြောင့် လူ့စွမ်းအားအရင်းအမြစ် စီမံခန့်ခွဲမှုနှင့် သက်ဆိုင်သော လုပ်ငန်းစဉ်များကို ဆောင်ရွက်ရာတွင် ရည်ညွှန်းလိုက်နာသင့်သည့် အလုပ်သမားဥပဒေများကို ဤစာအုပ်တွင် စုစည်းဖော်ပြထားပါသည်။